20 წლის ასაკში გადავწყვიტე შტატებში სასწავლებლად გამგზავრება, მიზნად დავისახე მიმეღო ცოდნა და გამოცდილება, რათა საქართველოში დაბრუნებისას ჩემი წვლილი შემეტანა ჩემი ქვეყნის განვითარებაში. 13 წლის მანძილზე ვიმუშავე ამერიკაში. ამ წლების განმავლობაში არაერთი წინაღობისა და სირთულის გადალახვა მომიწია. თითოეული დაბრკოლება და გამოწვევის გადალახვა კიდევ უფრო მაძლიერებდა და თავდაჯერებულობას მმატებდა, რადგანაც მჯეროდა, რომ დასახული მიზნებისკენ მივიწევდი. ამერიკაში მოღვაწეობისას ვიმუშავე ისეთ კომპანიებში როგორიც არის Wells “Fargo”, “Capital One Bank” და “Citibank”, სადაც დაკავებული მქონდა ძალიან საპასუხისმგებლო, მენეჯერის პოზიცები. რა თქმა უნდა ამ პოზიციებამდე გავიარე ყველა კარიერული საფეხური, რომლის გავლაც კიდევ უფრო რთულია ემიგრანტისთვის და მოითხოვს ორმაგ ძალისხმევას. მუშაობის პარალელურად, ვსწავლობდი ბიზნესის ადმინისტრირებას, “Argosy University”-ში, სადაც მაღალი აკადემიური მოსწრების შედეგად, ყოველწლიურად ვიყავი დეკანის სიაში (Dean’s list). უნივერსიტეტის დამთავრების შემდეგ კი დეკანის წარდგენით, ბიზნესის მართვისა და ადმინისტრირების, საერთაშორისო საპატიო საზოგადოების “Sigma Beta Delta Iinternational Honor Society“-ის წევრი გავხდი.  საქართველოში დაბრუნების გადაწყვეტილების მიღება საკმაოდ რთული აღმოჩნდა, თუმცა კარგად მქონდა გააზრებული, რომ  კარიერული წინსვლის ყოველ ახალი საფეხურზე, უფრო გართულდებოდა ამ გადაწყვეტილების მიღება. რადგანაც საბოლოო მიზანი მიღებული გამოცდილების საქართველოში რეალიზებას წარმოადგენდა, 13 წლის შემდეგ გადავწყვიტე გადამედგა ეს უმნიშვნელოვანესი ნაბიჯი.