სტრატეგიული გეგმის შემუშავებისას ჩვენ ვხელმძღვანელობთ საქართველოსა და ევროპის ბაზარზე წარმატებით გამოცდილი სტრატეგიული მართვის მეთოდოლოგიებით (VRIO, Value Chain Analysis, SWOT, Porter‘s  5 Force, PESTEL ect.), რაც შეადგენს ანალიტიკური და კრეატიული პროცესების ნაზავს. ანალიტიკური პროცესის ფარგლებში ჩვენი გუნდი აანალიზებს და აფასებს კომპანიაში არსებულ შიდა რესურსებს, ბაზრის პოტენციალსა და ყველა იმ გარე ფაქტორს, რაც შესაძლოა გავლენას ახდენდეს კომპანიის ბიზნეს მოდელზე.  სწორედ ამ ანალიტიკურ ბაზაზე დაყრდნობით, კრეატიული პროცესის ფარგლებში, კომპანიის თანამშრომლებთან ერთად ფორმულირდება მისია, ხედვა და სტრატეგიული მიზნები, რომლებსაც ვაკონკრეტებთ თითოეული ორგანიზაციული ერთეულისთვის და ვაერთიანებთ სტრატეგიულ გეგმად. ჩვენი წარმატების ძირითადი ფაქტორია სტრატეგიის რეალური განხორციელებისთვის აუცილებელი მონიტორინგისა და მართვის ინსტრუმენტების დანერგვა. სტრატეგიული მართვის პროექტებში ჩვენი მიდგომა არა მხოლოდ კონცეპტუალური დოკუმენტის შექმნა, არამედ სტრატეგიული გეგმის დანერგვის ისეთი ინსტრუმენტების განვითარებაა, რომლის დახმარებითაც ორგანიზაციას ბაზარზე კონკურენტული უპირატესობის მოპოვების რეალური  შესაძლებლობა ექნება.