სკოლის დამთავრების შემდეგ სწავლა იტალიაში გავაგრძელე. ყოველთვის ვიცოდი, რომ აუცილებელი იყო ცოდნის არეალის გაფართოება ევროპის რომელიმე წამყვან ქვეყანაში, თუმცა საქართველოში დაბრუნება ჩემთვის უმთავრეს პირობას წარმოადგენდა. მიუხედავად კარგი შემოთავაზებებისა და კარიერული წინსვლის რეალური შესაძლებლობისა, სწავლის დამთავრებისთანავე საქართველოში დავბრუნდი. საკმაოდ ადრეულ ასაკში გავიაზრე საკუთარი სურვილები, რა მიზნებისთვის უნდა მიმეღწია. შესაბამისად მქონდა გეგმა, რომლითაც დღემდე ვხელმძღვანელობ.  პალერმოს უნივერსიტეტში მივიღე ეკონომიკისა და ფინანსების ანალიზის მაგისტრის ხარისხი. უნივერსიტეტში სწავლისას ვიყავი ჩართული სტუდენტურ აქტივობებში, ვორქშოპებსა და კონფერენციებში. სამაგისტრო პროგრამის პარალელურად, ვმონაწილეობდი“ ERASMUS+“-ის გაცვლით პროგრამაში, რომლის ფარგლებშიც ერთი სასწავლო სემესტრი გავიარე დუბროვნიკის უნივერსიტეტში. საკონსულტაციო მიმართულებით ჯერ კიდევ სტუდენტობისას დავინტერესდი. შესაბამისად, საქართველოში დაბრუნებისას  სწორედ ამ მიმართულებით დავიწყე სამსახურის ძიება. ძალიან გამიმართლა, მალევე შევიტყვე „სითიმის“ შესახებ, და მოკლე დროში შემოვუერთდი ამ არაჩვეულებრის გუნდს.